قصص وروايات

قصة لن أتزوجه متزوجاً بقلم آية علي

_الأستاذ فاروق :أصل عاوز اتكلم معاكي ياأماني في موضوع مهم أوي وضروري بالنسبالي …

_أماني بخضة وخوف وقلق :خير يا أستاذ فاروق موضوع مهم بخصوص ايه مافيش بيني وبين حضرتك مواضيع بره الشغل هو أنا قصرت في شغلي ولاحاجة وحضرتك زعلان أو مدايق مني ….

_الأستاذ فاروق :لا خالص أنتي من أحسن وأفضل الموظفين في الشركة عندي وأنا بشوف شغلكم واحد واحد وواخد بالي من كل موظف فيكم بيكون شغال إزاي …

_أماني :اومال فيه ايه حضرتك قلقتني ….

_الأستاذ فاروق :لا ماتقلقيش موضوع هيفرحك جدا وفجأة بكل جرأة منه قال :

“بصراحة ياأماني أنا معجب بيكي بقالي فترة كبيرة ومش عارف كل يوم عن اليوم اللي قبله بتعملي فيا ايه أنا بحبك ياأماني ونفسي اتجوزك نفسي تكوني مراتي أنا مش قادر استني ولااصبر ولااستحمل أكتر من كده أنا خلاص بقيت مدمن بيكي وبحبك تتجوزيني ياأماني موافقة تكوني زوجة الأستاذ فاروق موافقة تكوني ليا وملكي وفي بيتي”

_أماني بذهول من اللي بتسمعه ومش مصدقاه ردت وقالت :

“أستاذ فاروق ايه الكلام اللي حضرتك بتقوله ده أنتا بتهزر ولاايه أنتا راجل متجوز ومعاك مراتك وولادك إزاي عاوز تتجوزني طب مش قلقان من رد فعلها أما تعرف أو مش خايف علي زعلها وزعل ولادك منك لما تجيب ليهم مرات أب علي أمهم”

_الأستاذ فاروق : لا عادي وايه يعني الجواز حلال هو أنا هعمل شئ حرام يغضب ربنا أنا ماليش غير في الحلال اللي يرضي ربنا وأنا شفتك وأعجبت بيكي وحبيتك وبطلبك للجواز مالكيش دعوة بمراتي بقي أنا حر والراجل ليه يتجوز أربعة زي الشرع ماقال ”

_أماني : حضرتك فاهم الشرع غلط يا أستاذ فاروق الشرع قال أربعة بشروط ولو لظروف وأحوال معينة :

…مثلا لو متوفية أو متعثرة مش بتخلف أو مريضة لاقدر الله مرض صعب وماتقدرش علي تأدية طلبات زوجها وأولادها وبعدين غالبا مش بيكون سبب إن الراجل يتجوز عليها ده المفروض يقف جنبها في تعبها ومرضها مش يرميها ويتجوز غيرها……

….مثلا لو مقصرة معاه وفي حقه وبرضه يتجوز بعد عدة محاولات إن هي تتغير ويكون مديها فرص كتير مش يتجوز علي طول ومايصدق …..

…مثلا لو منفصلين عن بعضهم ومافيش أمل لرجوعهم تاني …..

…مثلا لو ست لاقدر غير معروفة أو مش محترمة وهو عاوز يتجوز ست تصونه وتصون بيته وحاله …..

الجواز ليه أسبابه يا أستاذ فاروق واحنا نسمع إن مراتك ست محترمة وكويسة جدا ليه عاوز تتجوزني عليها واشمعنا أنا من بين كل ستات الدنيا أكيد فيه ستات وبنات أحسن وأغني وأعلي مني وتناسبك عني بس بلاش أنا أرجوك ابعدني حضرتك عن الحكاية دي …

_الأستاذ فاروق : لا مافيش حد غيرك يملي عيني وقلبي وحياتي ياأماني أنا بحبك أنتي وعاوزك أنتي وهعيشك في فيلا لوحدك بعيد عن مراتي وولادي وأنتي مالكيش دعوة بيها ولاهي ليها دعوة بيكي كل واحدة منكم في حالها وليها حياتها …..

_أماني :أسفة يا أستاذ فاروق أنا ماأقبلش علي نفسي أكون زوجة تانية وماأقبلش اخد راجل من علي مراته وولاده ماأقبلش اخد لقب أخذ الرجال بعد لقب المطلقة اللي اخدته بدري بدري وأنا كنت لسه 25سنة وإحتمال اخدوا للمرة الثانية كمان لأن مهما كان فيه مثل قديم عندنا بيقول :

“القديمة تحلي ولو كانت وحلة ”

والرجل في الأخر لمراته أول بخته وحياته واللي طول العمر معاه وواقفة في ضهره وربتله ولاده وكافحت معاه طول عمرهم وبعدين مش عاوزة اعمل شئ ارجع بعد كده اندم عليه لما ربنا يرده ليا لانك زي ماهتتجوزني عليها هتتجوز عليا أنا كمان وحبك ليا وإعجابك بيا ده مجرد وقت وهيروح لحاله بتكون السكينة سارقة البني أدم بس وقتها لكن بعد كده بيرجع لعقله وصوابه وفي النهاية الزوجة الثانية بتكون هي الخسرانة …….

_الأستاذ فاروق :لا ماتقلقيش أنتي وبس اللي في القلب ياأماني بحبك أنتي وهعيش وأموت بحبك …

_أماني :ماتقولش الكلام ده ربنا يخليك لبيتك ومراتك وولادك سامحني يا أستاذ فاروق مش هقدر وإن شاءالله الحب ده هتقدر تتغلب عليه وتنساه بعد إذن حضرتك أنا اتأخرت والوقت سرقنا أوي …

…ومشيت أماني وتركت الأستاذ فاروق واقف لوحده بس للأسف اللي في دماغه في دماغه ومش راضي يرجع عنه وكلامها ولاأثر معاه بأي شئ ولاهز شعرة منه وضحك ضحكة إبتسامة نصر وغرور لنفسه وقال :

“برضه مش هسيبك ياأماني ومش الاستاذ فاروق اللي كل البنات اللي لسه مااتجوزوش والستات اللي متجوزين ومع رجالتهم بيجروا وراه ويتمنوا بس منه نظرة ولاكلمة ولاحتي يمشي معاهم وعلي إستعداد يسيبوا رجالتهم وعيالهم علشاني هتيجي عيلة صغيرة ماحصلتش 30تلاتين سنة ومطلقة كمان ترفضني أنا وهي ماتوصلش ربعهم في جمالهم ولاحلاوتهم ولامالهم ناس تحل من علي حبل المشنقة …..

…وخرج من الشركة وركب عربيته وسرح مع نفسه يفكر في اللي حصل وفي نفس الوقت حدث حوار بين قلبه وعقله وبقي عقله يسأله وقلبه يجاوبه ومن هنا بدأ الحوار بين العقل والقلب :

_العقل :طب اشمعنا هي اللي أنتا متمسك بيها وعاوزها أوي وزي مابتقول فيه اللي بيجروا وراك وهيموتوا عليك وبيحبوك ويتمنوا التراب اللي أنتا بتمشي عليه خلاص سيبك منها وشوف غيرها …..

_القلب :بحبها هي اللي اخدتت قلبي معاها وشدتني ليها فجأة من أول ماشوفتها وعرفتها وكل يوم عن اليوم اللي قبله بتأكد من حبي ليها …..

_ العقل :طب هي رفصتك ليه ترخص نفسك قدامها تاني وتسمح لعيلة صغيرة زي دي ترفضك كذا مرة أنتا راجل كبير بإسمك وليك هيبتك وقيمتك وكمان متجوز ومخلف يبقي فكك من البت دي واعتبرها واحدة زي أي واحدة وخلاص …..

_القلب :لا أنا بحبها ومش هقدر اسيبها ولااستغني عنها ومافيش كرامة في الحب واللي أنا عاوزه هو اللي هيحصل هتجوزها يعني هتجوزها ولو أخر يوم في عمري…..

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى