قصة لن أتزوجه متزوجاً بقلم آية علي

في يوم من الأيام وفي صباح يوم جميل شمسه كانت مشرقة والدنيا حلوة وجميلة في القاهرة وفي شقة صغيرة وبسيطة من شقق زمان كانوا يسكنوا فيها ثلاثة بنات في ريعان شبابهم في سن العشرينات لايتعدوا الثلاثين عاما من عمرهم وكانوا يسكنون في سكن تبع عملهم لأنهم كانوا مش من المكان وكانوا عايشين في بلد بعيدة عن القاهرة فكانوا مضطرين للسكن في القاهرة لظروف شغلهم بدل السفر والبهدلة كل يوم وبيسافروا بلدهم لأهلهم في كل أجازة ليهم ….

..ونتعرف علي بطلات قصتنا وهما :

……………………………………………..

_أماني: بنت عندها 27سنة وهي منفصلة عن زوجها وكانت بتحبه كثيراً وتزوجوا سنة واحدة فقط وكانوا لاتفاهم ولاحياة سعيدة فانفصلوا عن بعض فقررت أماني تجتهد وتشتغل وتسعي لتثبت نفسها وتحقق ذاتها ولتنسي حزنها وحبها لزوجها وقررت تشتغل بشهادتها وهي خريحة معهد حاسبات ونظم معلومات وتعمل في شركة كمبيوتر وإلكترونيات تعمل مبرمجة كمبيوتر وكان زوجها رافض شغلها تماماً فاخدتت شهادتها واكتفت بها رغم إنها كانت حابة تشتغل بيها لكن من حبها لزوجها ومش عاوزة تزعله وكمان أهلها نصحوها إنها مالهاش غير بيتها وجوزها فقط فاتنازلت عن حلمها لكن بعد إنفصالها منه قررت ترجع لحياتها الطبيعية بعد أن فشلت في حياتها الزوجية مع الإنسان اللي حبته بس القدر ماأردش ليهم يعيشوا مع بعضهم …….

_أمل :بنت خال أماني وهي أصغر منها بسنتين وهي خريجة كلية تجارة ومعاها بكالوريوس تجارة وتعمل محاسبة في بنك في القاهرة ومخطوبة لشاب من بلدهم بس علي قد حاله وأهله ناس غلابة وهو بيشتغل بكليته خريج كلية تربية رياضية يعني مدرس ألعاب في بلدهم وهما بيكونوا حالهم علشان يتجوزوا هي بتشتغل وهو كمان بيشتغل ومحددين يتجوزوا بعد سنة ومخطوبين بقالهم سنتين ….

_منال :زميلة أمل وكانت معاها في نفس الكلية وشغالين مع بعضهم محاسبين في نفس البنك بس هي لسه ماجالهاش نصيبها وهما الاتنين صحاب وإخوات مع بعضهم ومتربين مع بعض هما التلاتة ومع أماني بنت عمتها كانوا بيلعبوا مع بعض من وهما صغيرين وساكنين كلهم في شارع واحد بس أماني انشغلت فترة عنهم بالدراسة وبعدها جوازها وإنفصالها …..

…..ونبتدي أحداث قصتنا مع أبطالها :

……………………………………………….

…في الصباح الباكر كانت تصحي أماني أول واحدة فيهم وأول شئ عملته اتؤضت وصلت الصبح وجهزت الفطار هي وبعد ماخلصت راحت تصحيهم ..

_أماني :يلا يابنات صحوا النوم ايه النوم ده كله مالكم ناسين إن وراكم شغل ولاايه …..

_أمل :أنا مش رايحة النهاردة ….

_أماني بهزار وضحك :ليه ياحبييتي كف الله الشر مالك ….

_أمل :أنتي بتتريقي عليا يا أماني ماليش مزاج اروح…

_منال :حرام عليكم قلقتوا منامي منكم لله أنا صحيت اهوه وريحتكم …

_أماني :هو أنتم فيه ايه مالكم النهاردة كده مش عادتكم يعني ده احنا بنصحي مع بعضنا ونجهز الفطار ونفطر وننزل مع بعض فيه ايه النهارده بقي ..

_منال : أصل أمل امبارح متخانقة مع حسن في الفون ومالهاش نفس تروح الشغل ….

_أماني :يعني متخانقين مع بعضكم ده العادي بتاعكم يعني ياحبييتي ده مافيش يوم بتعدوه كده وأنتم حلوين وبعدين تلاقيكي أنتي اللي مزعلاه أنا يعني مش عارفاكي ياأمل …

_أمل :أووووف سيبوني بقي في حالي أنا زهقئت منكم ومنه والله ده عيشة بقت تقرف …..

…وطلعت أمل الصالة وسابتهم وفتحت التلفزيون تتفرج عليه ….

…منال دخلت الحمام تغسل وشها وتلبس علشان تنزل الشغل ….

…أماني دخلت المطبخ تجيب الفطار علشان يفطروا ….

…وبالفعل فطروا كلهم وكل واحدة منهم نزلت شغلها وفضلت أمل في البيت لوحدها بعد ماأماني ومنال فضلوا ينصحوها تنزل شغلها وحالها وهي رافضة ومعاندة معاهم …

…………………………………………………………….

_في شركة الكمبيوتر والانترنت:

………………………………………

…دخلت أماني مكتبها وسلمت عالناس اللي هناك كعادتها وهما كلهم في مكان واحد كل واحد منهم علي مكتبه في شغله وعالكمبيوتر الخاص بيه رجال وشباب وبنات وستات أكبر منها في العمر وبنات أصغر منها لسه مبتدئين ….

_أماني:السلام عليكم ورحمه الله وبركاته ياجماعة ..

_كلهم في صوت واحد :وعليكم السلام ورحمه الله وبركاته ياموني ……

…وبدأت أماني تمارس عملها وتشوف شغلها علي مكتبها وعالكمبيوتر الخاص بها وكل موظف منهم كذلك الأمر …..

….وفجأة راح عليها الأستاذ فاروق اللي هو رئيسهم ومديرهم في الشغل …..

….الأستاذ فاروق بحب وحنية ورقة لأماني راحلها مخصوص هي في وسط الموجودين وهما كمان استغربوا لكده …

_الأستاذ فاروق:صباح الخير ياأماني إتاخرتي ليه النهاردة مش عادتك يعني وكل نظراته ليها نظرات حب وإهتمام ……

…أماني بحسن نية وبتتعامل وتتكلم معاه بكل طبيعتها ردت وقالت :

أستاذ فاروق يسعد صباحك يااارب أسفة والله غصب عني إتاخرت أوعدك مش هتكرر تاني ….

_الأستاذ فاروق :ولايهمك أنا بس كنت بطمن عليكي وإستغربت لكده والله لكن لادام أنتي بخير يبقي خلاص مافيش أي حاجة ولاتشغلي بالك وأي حاجة تعوزيها أنا تحت أمرك …

_أماني :ألف شكر تسلم ياارب يا أستاذ فاروق ….

…وسابها الأستاذ فاروق وراح علي مكتبه يشوف شغله ….

… طبعاً كل الموظفين الموجودين بيتكلموا مع بعضهم وكل واحدة فيهم تقول للتانية كلام علي مزاجها سواء ست ولابنت ….

نتعرف عالأستاذ فاروق بقي وهو بطل قصتنا :

..الأستاذ فاروق هو رئيس ومدير الموظفين وهو اللي بيشغلهم ويدير شغلهم ويراجعه بعد مايخلصوه وهو راجل عنده 35سنة وراجل ليه هيبة وكل الناس بتحترمه وبتعمله ألف حساب وهو ميسور الحال ومتجوز ومعاه مراته وولاده بنتين وولدين وكلهم صغيرين في المدرسة وهو من فترة وهو عينه من أماني عارف إنها مطلقة وخالية مش معاها أولاد وحلوة وصغيرة ومجتهدة وممتازة في عملها وشغلها وطموحة وبتحب تتعلم وتعرف أكتر وأكتر وإنسانة محترمة وأخلاقها عالية يعني مايعيبهاش أي شئ ونفسه يتجوزها ويطلبها من أهلها بس هو عاوز يمهد ليها الأول ويشوف رأيها ايه ويتكلم معاها وكمان عاوز يتجوزها في هدوء تام من غير مراته ماتعرف ولاأي حاجة تبقي تعرف بعد كتب الكتاب يكونوا اتجوزوا وخلاص علشان مايحصلش ليه أي مشاكل ومراته تزعل لانه برضه خايف علي زعلها مهما كانت مراته أم ولاده بس هو بقي راجل بيحب الجواز ولما بيشوف أي واحدة ست حلوة تعجبه وعينه تزوغ عليها بس هو أعجب بأماني أول ماشافها وبقي كل يوم عن التاني يحبها أكتر وأكتر….

………………………………………………………………

_في البيت عند أمل :

…………………………..

….أمل لوحدها في البيت زهقانة ومدايقة من نفسها ولسه زعلانة هي وخطيبها وفجأة رن عليها فونها وكان خطيبها حسن بيصالحها …..

…أمل حبت تتعزز عليه وتشوف نفسها شوية وتخليه يلف حوالين نفسه ومابقتش راضية ترد عليه وسايباه يفضل يرن وهي ولا علي بالها وبتتفرج عالتلفزيون…

…………………………………………………………….

_في البنك عند منال وهي شغالة كل صحابهم وزملائهم بيسألوها علي أمل ماجاتش ليه وهي تجاوبهم تعبانة ومرهقة شوية وماقدرتش تيجي وطبعاً محتاجين حد مكانها علشان يشتغل شغلها فاضطرت منال تشتغل مكانها بجانب شغلها وحالها علشان الشغل يمشي واليوم يعدي ويفوت علي خير من غير أي مشاكل ولاعطلة في الشغل …..

…………………………………………………………..

_في المساء في البيت بعد ماأماني وأمل روحوا وانتهوا من عملهم اليومي بره البيت :

…………………………………………………………..

… أمل كانت بتجهز العشا طبعاً هي طول اليوم اللي قاعدة في البيت فكانت شايفة طلباته….

…أماني في أوضتها بتروقها وبترتب دولابها وهدومها ..

..منال كانت راجعة من الشغل تعبانة لأنها كانت مضغوطة شغل مكان أمل جنب شغلها فكانت رجعت من الشغل دخلت نامت علي طول وقالتلهم يسيبوها نايمة براحتها ويبقوا يصحوها عالعشا …..

….فجأة فون أمل رن وهي بتجهز العشا وراحت شافته مين لقيته حسن خطيبها تجاهلته وسابته يرن كتير ….

….أماني سامعاه من جوه شغال رن فبقت تنادي علي أمل تشوف مين وترد عليه …..

_أماني :ماتردي يابت ياأمل تليفونك عمال يرن يرن وأنتي سايباه كده ….