قصص وروايات

قصة لن أتزوجه متزوجاً بقلم آية علي

..أمل دائما متخانقة مع خطيبها وتخلق معاه المشاكل وتتعزز وتشوف نفسها عليه وهو كتير يحاول يصالحها وهي تسيبه ماتردش عليه وأماني ومنال دائما مدايقين منها بسبب كده وبيحاولوا يرجعوها عن اللي في دماغها بس هي زي ماهي الطبع يخلق التطبع …..

………………………………………………………….

_ تاني يوم في شركة البرمجة والكمبيوتر :

……………………………………………………..

…سماح جت تيجي الشركة الصبح إتفاجئت بالأمن بيطرودها ومش راضين يدخلوها من البوابة لكن هي كانت أسرع وأقوي منهم وزقتهم وطلعت غصب عنهم وهما طلعوا يجروا وراها …..

…سماح طلعت لفاروق مكتبه قدام كل الموظفين وبقوا هما مستغربين وبيسالوها فيه ايه لكن هي مش بترد علي حد ودخلت علي فاروق مكتبه بإندفاع وفتحت باب المكتب عليه …..

_فاروق بتفاجئ منه :ايه ده أنتي مجنونة امشي من هنا أنتي مطرودة ورجلك ماتعتبش الشركة دي تاني إلا وهأمنع دخولك …..

_سماح :أبوس رجلك يافاروق ليه بتعمل فيا كده كل ده علشان بحبك وبقت توطي تبوس علي رجله وهو يبعدها وهي تتوسل إليه أكتر وأكتر ….

….فاروق نده للأمن فكانوا طلعوا وراها علشان يمنعوها تدخله حسب تعليماته واوامره ….

….وبالفعل بتوع الأمن اخدوها وأبعدوها وطلعوها بره الشركة ومنعوا دخولها نهائي للشركة لأي سبب ….

…… طبعاً كل الموظفين بقوا مستغربين من اللي بيحصل وبيسألوا بعضهم بينهم وبين نفسهم يقولوا :

….ياترا سماح عملت ايه ياترا فجأة أستاذ فاروق اتغير من ناحيتها وطردها ورفدها رفد نهائي ليه ؟

….ياترا وجه تعليماته للأمن يطردوها بالطريقة المهينة دي ليه أكيد عملت مصيبة سرقت حاجة من الشركة ولاشئ مايشبه كده ؟

…. طبعاً الوحيدة اللي حست وفهمت الموضوع عزيزة لأنها صاحبتها وعارفين عن بعض كل حاجة هي سماح ماقالتش لعزيزة أي حاجة من اللي كانت ناوية تعملها بس لادام كده يبقي فعلا سماح عملت شئ بخصوص الموضوع ده وفاروق عرف فطردها وبقت في نفسها ومن جواها صعبان عليها سماح وبتبصلها بصة زعل ولوم عينيها بتقول فيها :

“شوفتي ياسماح عملتي في نفسك ايه ياما كنت بنصحك وأنتي مش بتقبلي نصيحتي بس ياارب تيجي علي قد كده وفاروق يستكفي بطردك ورفدك من الشركة ومايوصلش لجوزك الكلام ده ويفضحك ويخرب بيتك وتبقي قطعتي عيشك وخربتي بيتك وخسرتي جوزك وولادك بسبب حبك لفاروق ”

…………………………………………………………..

..بعد مرور ساعتين من الزمن في الشركة وكل الموظفين شغالين ومشغولين في شغلهم علي مكاتبهم إتفاجئوا بحنان زوجة الأستاذ فاروق داخلة في قمة جمالها وشياكتها وأناقتها ولبس مودرن وعالي جدا ودخلت تبص علي كل الموظفات علشان تشوف فيهم أماني لحد ماشافتها وراحت لعندها علي مكتبها وبصتلها بصة مهينة ليها كلها إستحقار وكراهية وإستهزاء …

…أماني وقتها إتفاجئت واستغربت هي مين الست دي وليه بتبصلي أنا كده واشمعني أنا من وسط الموظفات كلهم لاهي تعرفني ولاأنا أعرفها علشان تعمل معايا كده دي ولا اللي كأني بيني وبينها تار …..

_أماني بذوق وأخلاق :افندم حضرتك تؤمري بحاجة….

_حنان :أنتي أماني بقي ….

_أماني :أيوة حضرتك أنا اسمي أماني ….

_حنان :أه عندك كام سنة بقي ….

_أماني :خير حضرتك فيه ايه…..

_حنان :عادي ياحبيبتي حابة أتعرف عليكي ….

_أماني :عندي 27سنة خريجة معهد نظم معلومات..

_حنان :جميل والله صغيرة لسه يعني مرتبطة بقي علي كده ياحبيبتي …..

… طبعاً حنان عاوزة تعرف هي حالتها الإجتماعية ايه أرملة ولامطلقة ولابنت علشان تفكر تتجوز الأستاذ فاروق وهو راجل متجوز ومعاه مراته وولاده بس مش حابة تسأل السؤال مباشر علشان عارفة إن أماني مش هتكون حابة تجاوب عليه فسألته بطريقة لطيفة …..

_أماني :لامش مرتبطة حضرتك أنا كنت متجوزة وإنفصلنا أنا وجوزي بعد سنة …..

_حنان :أاااااه قولي بقي كده ودلوقتي بتلفي علي مديرك وعازوة تتجوزيه من صدق صحيح مطلقة بقي وعاوزة أي جوازة وخلاص بس دي مش اي جوازة ده راجل غني ومبسوط وعنده كتير أوي بقي أنتي يابت ياسيدة عاوزة تخطفي جوزي مني نجوم السما أقربلك لو جيتي ناحيته لاهتشوفي أيام أسود من السواد وبقولهالك قدام كل الناس وياترا مديرك فين بقي علشان يشوفك وأنتي بتتهزأي كده .

_أماني بذهول :أنتي بتتكلمي إزاي ياست أنتي جوزك طلب يتجوزني وأنا اللي رفضته لاني ماأقبلش اخد راجل من علي مراته وولاده أنا اخلاقي أعلي من كده بكتير وأه فعلا أنا مطلقة وربنا ماأردش ليا إني أعيش مع جوزي لكن مش الكل المطلقين يبقوا مش كويسين ولاماعندهمش قلب ولاضمير ….

_حنان بإندفاع وفجأة عاتبت أماني عتاب شديد علي وشها وقالت:

“أنتي هتعمليهم عليا يابت وتديني درس في الأخلاق بلاش سهوكة وسيبي جوزي وابعدي عن سكته ”

…في نفس اللحظة أماني ردت العتاب لحنان بس كانت من جواها مجروحة وموجوعة جدا لكن حبت تأخد حقها منها ….

…حنان صرخت وعاتبتها بكلام حازم وقالتلها :

“بتمدي إيدك علي ستك ياسيدة وربنا لأحاسبك وأحاسبه هو وكل اللي في الشركة عليكي ”

…كل الموظفين إتجمعوا يحوشوهم عن بعض وخرج الأستاذ فاروق من مكتبه يشوف ايه اللي حصل وفجأة فصلهم عن بعضهم وعاتب حنان مراته بالكلام ….

_حنان :اااااه بتعاتبني يافاروق علشان الظالمة دي …

_أماني بإنهيار وبكاء شديد :اخرسي أنا مش ظالمة أنا أحسن منك ومن عشرة زيك وبعدين ده هيكون أخر يوم ليا في الشركة لادامها وصلت لكده بقي…..

….فاروق وقتها قلبه إتخلع وزعل ورد وقال :

” أماني أنتي بتقولي ايه لا طبعاً ماتسيبيش الشغل ”

_حنان بغيرة وحرقة :ياسلام ياخويا زعلان أوي علي فراقها ياختي في داهية والبحر خير ماهتعملي والله بس اعمليها وريحينا وغوري ”

…وبالفعل أماني قدمت إستقالتها ومهما كان الأستاذ فاروق يكلمها ويترجاها هي خلاص كانت قررت واخدتت قرارها وصممت عليه ومارجعتش فيه تاني .

…وأستاذ فاروق اخر مافشل في كل محاولاته مضا ليها الإستقالة وهو كله حزن وكسرة قلب ومهد ليها إنه بس بيمضيها إرضاء ليها وكمان علي ماتهدي كام يوم وتنسي وترجع تاني لشغلها وحالها يعني كأنه كان بيعملها أجازة مفتوحة ولأنه كمان بيحبها ماحبش يغصبها علي شئ هي مش عاوزاه …..

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى